16.09.2017 Яҫы табанлылыҡты бөтөрөп буламы?
Әле уҡырға барыр алдынан медицина тикшереүе үткән ваҡытта миндә яҫы табанлылыҡ булыуы асыҡланды. Уны дауалап буламы, артабан ныҡлап үҫешмәһен өсөн нимә эшләргә?
Булат.
Нефтекама ҡалаһы.
Яҫы табанлылыҡ – табандың формаһының үҙгәреүе. Ул тыумыштан да була, шулай уҡ ниндәйҙер сәбәптән барлыҡҡа килеүе мөмкин. Тыумыштан яҫы табанлылыҡ бик һирәк осрай, ә уның барлыҡҡа килеүенә артыҡ кәүҙә ауырлығы, табандың мускулдар аппаратының хәлһеҙлеге, төрлө йәрәхәт сәбәпсе булыуы мөмкин. Дөрөҫ һайланмаған аяҡ кейеме лә яҫы табанлылыҡҡа килтереүе бар.
Был осраҡта табандың һәм аяҡтарҙың мускулдарын нығытыу өсөн махсус күнегеүҙәр эшләргә кәңәш ителә. Мәҫәлән, аяҡ бармаҡтары менән иҙәндән бәләкәй әйберҙәрҙе (ҡәләм, туҡыма киҫәге) күтәрергә. Ялан аяҡ, аяҡ осона баҫып йөрөү, һикереү, баскетбол, волейбол уйнау ҙа табан мускулдарын нығыта.
Оҡшаш яңылыҡтар
