25.10.2013 Дүрт путевка өсөн йәрәбә үтте
Киләһе йылда Бразилияла үтәсәк футбол буйынса донъя беренселегенә Европанан ҡалған дүрт бәхетле урын өсөн үҙ төркөмдәрендә икенсе һөҙөмтәгә ирешкән командалар араһында йәрәбә үтте.
Шулай итеп, беҙҙең төркөмдәге Португалия уйынсылары бәхетен Швеция футболсылары менән үҙ-ара ике осрашыуҙа хәл итәсәк. Күршебеҙ, йә яҡташтарыбыҙ тиһәк тә була – Украина командаһына Франция тура килде. Бына бында, исмаһам, көрәш буласаҡ. Сөнки уҙған Европа чемпионатында Украина шул уҡ Франция һәм Англия командалары менән бер төркөмгә эләгеп, тәүгеһе төп бәйгенән төшөп ҡалғайны. Шуға күрә Олег Блохиндың тәрбиәләнеүселәренә үс алырға сәбәп тә бар кеүек. Ҡалған ике парҙа Греция менән Румыния һәм Исландия менән Хорватия командалары үҙ-ара уйнаясаҡ. Тәүге бәйге 15 ноябрҙә үтһә, яуап уйыны дүрт көндән һуң көтөлә.
Оҡшаш яңылыҡтар
