05.04.2011 Ғаилә мәсьәләләренә арналасаҡ
19 – 20 майҙа Өфөлә «Рәсәй ғаиләһе» тип аталған VIII халыҡ-ара конгресс үтәсәк. Уның темаһы – «Ғаилә һәм демография: милләт-ара татыулыҡты үҫтереүҙең социаль потенциалы».
Конгресс барышында күп милләтле һәм күп конфессиялы йәмғиәттә ғаилә сәйәсәтен тормошҡа ашырыу үҙенсәлектәре һәм перспективалары ҡараласаҡ. Сара йомғаҡтары буйынса, РФ-ның һәм БДБ илдәренең ғаилә сәйәсәте өлкәһендәге алдынғы тәжрибәһен дөйөмләштереп, махсус йыйынтыҡ баҫтырыу күҙаллана.