15.05.2012 „Йәшлек”тең шәп бүләктәре һеҙҙең өсөн!

Гәзиткә яҙылып, «Йәшлек»-фараз» конкурсында бәхетегеҙҙе һынап ҡарағыҙ

«Йәшлек» гәзите икенсе ярты йыллыҡҡа гәзиткә яҙылыу кампанияһында ла «Йәшлек»-фараз» конкурсы иғлан итмәксе. Бәйгелә ҡатнашыусыларҙың күп булыуы, ҡомарлы уҡыусыларыбыҙҙың бер нисә йыл рәттән ҡатнашыуы конкурсты халыҡтың яратып ҡабул итеүен күрһәтте. Уҙған бәйгелә ҡатнашыусыларыбыҙ ҡиммәтле бүләктәрен алып һөйөндө лә инде.
Сираттағы конкурстың да приздары шәп булмаҡсы. Бүләк алғығыҙ килә икән, рәхим итегеҙ, дуҫтар! Бының өсөн «Йәшлек» гәзитенә мотлаҡ яҙылырға кәрәк. Тәҡдим ителгән буш шаҡмаҡтарға биш һанды − «Йәшлек»кә икенсе ярты йыллыҡҡа күпме кеше яҙыласағын фаразлап, тулыһынса исем-шәрифегеҙҙе, адресығыҙҙы, телефон һандарын асыҡ итеп, тултырып яҙып, гәзиткә яҙылыу тураһындағы квитанцияғыҙҙың күсермәһен ҡушып, купонды редакцияға ебәрегеҙ.
Еңеүселәрҙе сепарат, һыу насосы, электр бысҡыһы, инструменттар йыйылмаһы, электр ит турағысы, кеҫә телефоны, термопот, автомобиль йыйыу ҡулайламаһы кеүек бүләктәр көтә.
Бынан тыш, дәртләндереү призы сифатында эстрада йырсыларының йырҙарынан торған 50 музыкаль диск та ҡаралған. Гәзиткә яҙылмағандар был бәйгелә ҡатнаша алмай. Интуицияғыҙҙы егеп, тәүәккәлләп, бәхетегеҙҙе һынап ҡарағыҙ, хөрмәтле дуҫтар. Кем белә, бәлки, бүләктәр һеҙҙеке булыр. Туған­дарығыҙ, күрше-күләнегеҙ, таныш-белештәрегеҙ ҙә «Йәшлек»­кә яҙылырға онотмаһын.