08.09.2014 Йүкә ағасы лидерлыҡта

Севастополдә ултыртыласаҡ Рәсәй аллеяһында Башҡортостанды күрһәтәсәк үҫемлектәр конкурсында әлеге ваҡытта йүкә ағасы 16,4 мең тауыш йыйған. Был 44 процент тәшкил итә. Ә ҡурай үләне күрһәткестәре - 16 мең тауыш һәм 38%. “Салауат Юлаев” сирене 2.8 мең, башҡорт пирамидаль тирәге – 1,7 мең, мәтрүшкә – 1,5 мең тауыш йыйған.
Татарстандағы йәмәғәт тауыш биреүендә ваҡ япраҡлы йүкә лидер. Ул 36 процент тауыш туплаған. Ырымбурҙа Шренк тюльпаны (35%), Силәбелә – ҡарағай (33%), Свердловск өлкәһендә миләш (46%), Удмурт Республикаһында – алтынбаш үләне (71%).
«Рәсәй Аллеяһы» Ҡырымдың Рәсәйгә ҡушылыуы хөрмәтенә ултыртыласаҡ.