23.05.2014 Ҡыуаҡтар араһында патрондар тапҡан

Ошо көндәрҙә баш ҡалала йәшәгән 52 йәшлек ир үҙ ирке менән полицияға 2300 пуляһыҙ патрон һәм эре калибрлы бер хәрби патрон тапшырған. Үҙе әйтеүенсә, был күләмдәге боеприпасты Өфө шоссеһы буйындағы ҡыуаҡтар араһында табып алған.
“Ҡорал тапшырған өсөн аҡса ал!” тигән акция тураһында ишеткән ир патрондарҙы полицияға тапшырырға ниәтләгән.