05.05.2014 “Бөйөк Еңеү хөрмәтенә”

8 майҙа БДАУ-ҙың Йәштәр һарайында үҙенсәлекле тамаша үтәсәк. Унда “Бөйөк Еңеү хөрмәтенә” исеме аҫтында йәштәр араһында патриотик йырҙар башҡарыусыларҙың республика конкурсы ойоштороласаҡ.
120-нән ашыу вокалсы һәм ижади коллективтар Бөйөк Ватан һуғышы, Тыуған илде һөйөү, уның матурлығы, әрме хеҙмәте һәм тыныслыҡ тураһындағы йырҙарҙы тамашасыларға ишеттерәсәк.
Күптәр Йәштәр һарайы алдындағы майҙанда ағастан павильон ҡоролоуына иғтибар иткәндер. Бында ретро автомобилдәре һәм атыу ҡоралдары күргәҙмәһе урынлашасаҡ. 8 майҙа шулай уҡ ялан кухняһы эшләйәсәк.
Конкурс төшкө сәғәт 2-лә башланасаҡ.