14.03.2014 Әбйәлилдә автобус аварияһы булған

Кисә Әбйәлил районында “ГАЗель” автомобиле аварияға осраған. Магнитогорск - Аҡсар маршрутында булған 41 йәшлек водитель Асҡар – Аэропорт юлының 14-се саҡрымында руль менән идара итә алмаған һәм машинаны юлдың һул яғына ауҙарған. Түңкәрелгән автобуста был мәлдә һигеҙ пассажир булған. Уларҙың барыһына ла медиктар ярҙам иткән, дүрт кеше дауаханаға һалынған. Водителдең айыҡ булыуы асыҡланған, әлегә тикшереү алып барыла.