13.11.2013 Донъя көрәшселәре Салауатта йыйыласаҡ

Иртәгә Салауат ҡалаһы үҙенә бөтә донъя көрәшселәрен йыя. Ундағы “Нефтехимик” спорт һарайында билбаулы көрәш буйынса донъя чемпионаты уҙғарыла.
Көрәшселәр ирекле стилдә (ҡатын-ҡыҙҙар һәм ир-егеттәр) һәм классик стилдә (ир-егеттәр) 62 - 100+ кг (ир-егеттәр), 52 – 76+ килограмм (ҡатын-ҡыҙҙар) ауырлыҡ категорияларында бил һынаясаҡ. 300-гә яҡын спортсы 25 илдән йыйыласаҡ. Сағыу спорт тамашаһын Халыҡ-ара билбаулы көрәш федерацияһы менән Бөтә Рәсәй федерацияһы, “Газпром Нефтехим Салауат” асыҡ акционерҙар йәмғиәте сайттарында онлайн-трансляция аша күҙәтергә мөмкин.