18.10.2013 “Сәнғәт төнө”нә Өфө музейҙары ла ҡушыласаҡ

3 ноябрҙә киске сәғәт 6-нан төнгө сәғәт 12-гә тиклем бөтә Рәсәй буйынса “Сәнғәт төнө” уҙғарыласаҡ. Был масштаблы проектҡа Башҡортостан музейҙары ла ҡушылырға теләк белдергән. Баш ҡалала БР Милли музейы, Мәжит Ғафуриҙың Мемориаль йорт-музейы, Республика Хәрби дан музейы кискеһен үҙ ишектәрен асасаҡ. Был тарих үҙәктәре тамашасыларҙы “Урал батыр” эпосы буйынса төшөрөлгән анимация фильмын күрһәтеү, романс кисәһе уҙғарыу һымаҡ саралар менән үҙ тамашасыларын һөйөндөрәсәк.