07.08.2013 Хоккей майҙансыҡтары төҙөләсәк

Баш ҡала хакимиәтендә үткән оператив кәңәшмә барышында балаларҙы хоккей уйынына йәлеп итеү тураһында һөйләшеү үтте.
Әлеге ваҡытта баш ҡалала 80-гә яҡын хоккей майҙансығы бар. Ләкин уларҙың йыһазландырылыуы 1970 йылдарға тап килә һәм хәҙерге заманға яраҡлашмаған. Ошоно күҙ уңында тотоп, Өфөлә хоккей майҙансыҡтары төҙөү программаһы ҡабул ителде. Баш ҡаланың һәр районында сәкән һәм шайба уйыны менән шөғөлләнеүҙе булдырыу өсөн өҫтәлмә рәүештә 14 майҙансыҡ төҙөләсәк. Төҙөлөш эштәре менән бер рәттән иҫкеләре лә реконструкцияланасаҡ.