15.07.2013 Юбилейҙы ҡаршылап йорттар төҙөйҙәр

Быйыл Баймаҡ ҡалаһының оло юбилейы – 75 йыллығы билдәләнә. Ошо айҡанлы унда ҙур әҙерлек эштәре йәйелдерелгән. Планға ярашлы, граждандарҙы авариялы йорттарҙан күсереү программаһы буйынса төҙөлөш эштәре лә дауам итә. Оҙаҡламай ҡалала биш күп фатирлы йорт төҙөлөп бөтәсәк. Ошо көндәрҙә «Баймаҡ ПМК-һы» яуаплылығы сикләнгән йәмғиәте эшселәре Юбилей һәм М.Йәлил урамдарында өс күп фатирлы йортҡа нигеҙ һала башланы.