09.07.2013 Автомобилдән сыҡмай ғына фильм ҡарап була

Америка киноһы һәм сериалдарында күптәр автомобилдәре эсенән сыҡмай ғына, алғы яҡтағы тәҙрә аша фильм ҡараусыларҙы күргәне барҙыр. Баш ҡаланың Затон биҫтәһендә «Cinema Car» исемле асыҡ һауалағы кинотеатр үҙ эшен башланы. Кино сәнғәтен һөйөүселәр бында фильмдарҙы ҙур экранда автомобиль эсенән сыҡмайынса ғына ҡарай ала. Тауышты айырым йышлыҡта FM-радиоалғысы аша тыңлап була. Бер билеттың хаҡы 200 һумдан 300 һумғаса тора, уның буйынса автомобилдә ултырып ҡараусылар һаны сикләнмәй.
Кинотеатр Өфө-Затон юлы, 5 адресы буйынса урынлашҡан.