03.07.2013 Хәйбулла районында рок-музыканттар йыйыласаҡ

6 июлдә Хәйбулла районы үҙәге Аҡъяр ауылында «Бөйөк дала» II Асыҡ республика рок фестивале үтәсәк. Унда Башҡортостан, Ырымбур, Ҡаҙағстандың музыкаль төркөмдәре ҡатнашасаҡ. Әлегә 15 коллектив конкурста ҡатнашыу өсөн ғариза биргән дә инде. Төп шарт – артистар фонограммаһыҙ, тере тауышҡа йырларға тейеш.
Был йыйын милли рок - музыка мәҙәниәтен үҫтереү һәм популярлаштырыу маҡсатын ҡуя.
Башҡортостандан «Ант», «Рух», «Бүреләр» кеүек билдәле төркөмдәрҙең сығыштары көтөлә.