03.11.2010 АҠШ-та алты йәшлек ҡыҙыҡайҙы хөкөм итәсәктәр

2009 йылдың апрелендә бала велосипедта йөрөгәндә 87 йәшлек әбейгә бәрелә. Һөҙөмтәлә «ҡорбан» ярайһы ғына ҡазалана – янбашы һына. Әбейгә операция эшләйҙәр эшләүен, әммә өс айҙан һуң ул үлә. Бәләкәй ҡыҙҙың адвокаттары «эште» ябыуҙы талап итә, сөнки Джульет Брейтман бала ғына әле. Шуныһы ла бар: әбейҙе «бәреп йыҡҡанда» ҡыҙҙың янында әсәһе лә булған. Ә бына судья Пол Вутен әйтеүенсә, ҡыҙыҡай нимә эшләгәнен аңларлыҡ йәштә булған. Әле тикшереүҙәр дауам итә, баланың үҙенә һәм ғаиләһенә ниндәй яза бирәсәктәре билдәле түгел. Шулай ҙа «елле» генә штраф түләтерҙәр.