26.04.2013 Студент яҙы»ның гала-концерты үтәсәк

Бөгөн киске сәғәт 5-тә «Нефтсе» мәҙәниәт һарайында «Студент яҙы» юғары белем биреү учреждениелары студенттарының художестволы ижадының 43-сө республика фестиваленең гала-концерты үтәсәк.
Фестиваль март айынан апрелгәсә дауам итә. Апрелдә юғары уҡыу йорттарында I - II этаптар үтә һәм уның йомғаҡтары буйынса өсөнсө этапта - «Студент яҙы» республика финалында ҡатнашыусылар асыҡлана. Уны ла еңеп сыҡҡан студенттар 15-20 майҙа Ульяновскиҙа үтәсәк «Рәсәй студент яҙы» XXI Бөтә Рәсәй фестиваленә барасаҡ.
Гала-концертта республика ҡалаларының уҡыу йорттарының иң көслө коллективтары ҡатнашасаҡ.
«Нефтсе» мәҙәниәт һарайында ҡунаҡтарҙы тәүҙә «Студент йондоҙҙарының майҙаны» ҡаршы аласаҡ.