25.04.2013 Йөҙмә күпер асылды

Ошо көндәрҙә Бөрө ҡалаһында автотранспорт өсөн йөҙмә күпер бәйләнеше асылды. Был ҡоролманың айырым өлөштәре һыу өҫтөндә ята һәм автомобилдәр үтә алырлыҡ тигеҙ урынды хасил итә. Күпер урындағы халыҡтың тормошон күпкә еңеләйтә: элекке һымаҡ борам көтөргә, ундағы оҙон сиратта торорға кәрәкмәй.
Ҡыш етер алдынан күперҙе һүтәләр һәм һаҡлау урынына оҙаталар, автомобилдәр бер ярҙан икенсеһенә боҙ аша үтә.