17.04.2013 Талаусыларҙы ҡулға алырға ярҙам иткәндәр

Краснокама районында Краса Увал ауылы янында ике егет баҡса участогын талаусыларҙы ҡулға алышырға ярҙам иткән.
Егеттәр квадроциклдарға ултырып йөрөгән була. Бер баҡса янынан үтеп барғандарында, улар өй эсенән шикле кешеләрҙең әйберҙәр сығарып йөрөүен күрә. Бер аҙ ваҡыт үткәс, егеттәр талау хаҡында полицияға хәбәр итә.
Оператив төркөм енәйәт урынына барып еткәнсе, талаусылар ҡасырға маташа. Ләкин квадроциклсы егеттәр юлды ҡаплап, уларҙы ҡамай. Енәйәтселәр ҡулға алына, уларға закон алдында яуап бирергә тура киләсәк. Әйткәндәй, уғрылар электр приборҙарына, газон сапҡысына ҡул һуҙған.