05.04.2013 Мостай Кәримгә арналған һәйкәл буласаҡ

Халҡыбыҙҙың бөйөк шәхесе, яҙыусы, шағир һәм драматург Мостай Кәримгә арналған һәйкәл эшләнеп бөтөү стадияһында. Ул бронзанан ҡойоласаҡ. Скульптураның авторы - бар донъяла билдәле скульптор Андрей Ковальчук. Әйткәндәй, тап ул Чернобыль АЭС-ындағы һәләкәт ҡорбандарына арналған мемориал һәм "Мамонттар" композицияһының авторы.
А.Ковальчук менән һәйкәл проектын ҡороуҙа Өфө архитекторы Салауат Илембәтов та ҡатнашҡан. Скульптура композицияһында Мостафа Сафа улының атлап барыуы һынландырыласаҡ. Уның артында әҙиптең ҡулъяҙмалары һәм әҫәрҙәрендәге образдар күрһәтеләсәк.
Әлеге ваҡытта һәйкәлде ҡуйыу урыны кәртәләнгән, бында әҙерлек эштәре алып барыла.