05.04.2013 Бизнес темаһына автоуҙыш үтәсәк

«Башҡортостан — ҡаҙағстан — ҡырғыҙстан» автоуҙышында ҡатнашырға теләүселәрҙе туплау башланды. Ул Өфө — Магнитогорск — Астана — ҡарағанда — Балхаш — Бешкәк маршруты буйынса үтәсәк. Уҙыш барышында тиҙҙән үтәсәк ШОС һәм БРИКС саммиттары темаһына ҡаҙағстан, ҡырғыҙстан власть органдары вәкилдәре һәм эшҡыуарҙар менән осрашыуҙар буласаҡ.
Республика имиджын үҫтереүгә ҡоролған был сара барышында Рәсәйҙең һәм сит төбәктәрҙең эске һәм тышҡы туризм инфраструктураһы ҡараласаҡ, БДБ илдәренең бизнес вәкилдәре менән үҙ-ара файҙаға нигеҙләнгән хеҙмәттәшлек булдырыласаҡ.
Автоуҙыш апрель аҙағында үтәсәк, ҡатнашырға теләүселәр 89177561530 телефоны буйынса мөрәжәғәт итһен.