05.04.2013 «Рус репортеры» сайтында – Өфө тормошо

Бөгөн иртәнге сәғәт алтынан «Өфө - 24» проекты үҙ эшен башланы. Уға ярашлы, «Медиаполигон - 24»тә ҡатнашыусы хәбәрселәр баш ҡала тормошон 24.rusrep.ru. сайтында трансляциялауға тотондо.
Ике йөҙ хәбәрсе бөгөн Өфөнөң өс йөҙгә яҡын нөктәһендә - «ашығыс ярҙам», ҡотҡарыу хеҙмәттәре, аэропорт, вокзал, театрҙар, мәсеттәр, Өфө күҙ ауырыуҙары ғилми-тикшеренеү институтында буласаҡ.
Репортерҙар тоталь журналистика жанрында билдәле кешеләр, төрлө рангылы чиновниктар менән осрашасаҡ. Әлеге ваҡытҡа улар юл-пост хеҙмәтенең оператив кәңәшмәһендә, «Саналар» трактирында, «Сипайлово» торлаҡ хужалығы идаралығында үткән селектор кәңәшмәлә, Богородица Рождествоһы ҡорамында, Дим биҫтәһендәге күмәртәләп әйбер һатыу баҙарында булды.
Журналистар Ирәмәл тауына ла юл алды – унда «Өфө - 24» проекты флагы урынлаштырыласаҡ. ҡунаҡтарҙы билдәле блогер Рәйес Ғәбитов оҙата.
Был ҡыҙыҡлы сара барышы менән сайтта онлайн-режимда танышырға була. Проект 6 апрелдә иртәнге сәғәт алтыла тамамланасаҡ.