15.03.2013 «Айыҡ ауыл-2013» старт алды

Рәсәйҙең йәмәғәт эшмәкәре, айыҡ йәшәү рәүешен популярлаштырыусы Владимир Жданов республиканың 54 муниципаль районы вәкиле алдында «Айыҡ ауыл-2013» республика конкурсына старт бирҙе. Семинарҙа ул илдә наркотиктарға, алкоголь һәм тәмәкегә ҡарата етди закондар ҡабул ителеүен, тыйыу саралары индерелеүе хаҡында белдерҙе.
В.Жданов шулай уҡ Өфө дәүләт авиация-техник университеты студенттары, Республика башҡорт лицей-интернаты уҡыусылары алдында сығыш яһаны, Сибай ҡалаһында йәшәүселәр өсөн семинарҙар үткәрҙе.