15.03.2013 БР йәштәренең авиация-техник форумы волонтерҙар йыя

17 майҙа Өфөлә «Авиация-техник комплекс һәм кесе авиация -Рәсәйҙең инновациялы үҫеше нигеҙендә» тип аталған Бөтә Рәсәй ғилми-техник конференцияһы үтәсәк.
Ә иртәгеһенә, 18 майҙа, Өфө районының Кириллово ауыл биләмәһендәге Тыуыш аэродромында «Яҙғы адреналин: Һауаға күтәрелеү нөктәһе – Тыуыш» авиация-техник фестивале ойоштороласаҡ. Был ҡыҙыҡлы байрамда тамашасыларға авиация һәм спорттың техник төрҙәре тәҡдим ителәсәк. Тәүге өлөштә:
• Як-52, Як-18А, Цессна, Ан-2 самолеттарында осоу;
• R-44, Ка-26, Ми-2 вертолеттарында осоу;
• Парашютсы, параплансыларҙың күрһәтмә һикереүҙәре;
• Дельталетта осоу;
• Авиамоделселәрҙең күрһәтмә сығыштары.
Икенсе өлөштә:
• Юлһыҙ ерҙән йөрөгән автомобилдәр өсөн АвтоТрофи рейды;
• Юлһыҙ урындарҙан велосипедсыларҙың ярышы (даунхилл элементтары менән);
• BMX һәм MTB велосипедтарында Вело фристайл;
• Monster, Buggy кластарында радио менән идара ителгән автомобилдәр уҙышы;
• Радио менән идара ителгән самолеттарҙа 3D пилотаж, пилонлы уҙыш.
Тамашасылар һәм ҡатнашыусылар өсөн аҙыҡ-түлек, сувенир продукцияһы менән сауҙа, спорт инвентары прокаты ойоштороласаҡ. Шулай уҡ радио менән идара ителгән моделдәр менән мастер-кластар, автомобилдәргә тест-драйв, махсус техника күргәҙмәһе, квадроциклдар прокаты, дельталетта һәм һауа шарында осоу ҙа буласаҡ.
Дуҫтар! Был байрамды үткәреү өсөн беҙгә түбәндәге "вакансияларға" әүҙем кешеләр кәрәк:
- Мәҙәни программа координаторы: бейеү, брейк-данс, музыкаль брейк данс коллективтарын һайлау һәм башҡалар;
- PR координатор (спорт, авиация, экстремаль, туристик форумдарға анонстар ебәреү);
- Авто һәм вело трофиға волонтерҙар;
- Авто һәм велоярыштарҙың контроль постарына ойоштороусылар;
- Дизайнер: флаерҙар, бейджиктар, таратыу өсөн материалдар эшләү;
- Видеоға һәм фотоға төшөрөү.
Был һөнәр эйәләренән ufapoint@mail.ru. электрон почтаһына хаттар көтәбеҙ!
Сараның рәсми сайты www.takeoffpoint.ru,
«Вконтакте» социаль сеттәрендәге официаль төркөмө vk.com/clubtakeoffpoint