11.05.2011 Усаманы үлтермәгәндәр…

Ирандың мәғлүмәт министры Хейдар Мослехи донъяла «Беренсе террорист» тип йөрөтөлгән Усама бин Ладенды АҡШ спецназы үлтермәгән тип раҫлай. Уның ведомствоһында Усаманың американдар һөжүменән байтаҡ алда сирләп үлеүен дәлилләгән документтар бар, имеш. Министр АҡШ-тың «ата террорист»ы юҡ итеү операцияһы бары тик алдан әҙерләнгән сценарийлы «тамаша», тип иҫәпләй. Тиҙҙән һайлау етә, ә был дәүләттә иҡтисади хәлдәр хөрт, Барак Обаманың да рейтингы төшкән саҡта ниңә Усаманы үлтереп, байрам яһамаҫҡа? Хейдар Мослехи шулай тип уйлай ҙа.