25.10.2019 ЦСКА командаһы Рәсәй футболы кимәлен күрһәтә...

Футбол буйынса Европа лигаһында сығыш яһаған ЦСКА клубы ла төркөм осрашыуында әллә ни билдәле булмаған Венгрияның «Ференцварош» уйынсыларына 0:1 иҫәбенә отолоп, өсөнсө уйын рәттән бер мәрәй ҙә яулай алмай интегә.
Улар үҙ төркөмөндә иң аҙаҡҡы урынды биләп, Рәсәй футболының кимәлен иҫбатлай. Ә бына «Краснодар» командаһы, ниһайәт, мәрәйле булды. Улар Төркиәлә урындағы «Трабзонспор» уйынсыларын 0:2 иҫәбенә еңеп, үҙ төркөмөндә өсөнсө баҫҡысҡа күтәрелде.
Быға тиклем Чемпиондар лигаһында ҡатнашҡан «Локомотив» менән «Зенит» клубтары дәғүәселәренә бер үк 2:1 иҫәптәренә бирелгәйне.