20.10.2019 Таһир Танатов тағы беренсе!

Әбйәлил районының үҙәге Асҡарҙа Бейеш батыр иҫтәлегенә арналған яндан уҡ атыу буйынса беренсе асыҡ район турнирында бөгөн һыбай килеш ярыштылар.

Был бәйгелә, әлбиттә, Учалы егете Таһир Танатов беренсе урын яуланы!

Өфөлә йәшәүсе Әбйәлил егете Рушан Хәсәнов икенсе урынға сыҡһа, Салауат районынан Айнур Низаметдинов өсөнсө урынды алды.

Ярышта ҡатнашыусылар "Юрға" ат-спорт мәктәбенә (директоры Басир Дәүләтшин) аттары өсөн ҙур рәхмәт белдерҙе! "Торғаны менән ут!" - тип аттарға һоҡланып бөтә алмағандар.

Әйткәндәй, кисә бәйге сиктәрендә балалар араһында ла М.Шайморатов иҫтәлегенэ уҡсылар ярышы үтте бит әле ул!

13 йәшкә тиклем малайҙар араһында еңеүселәр:

1-се урын Батыр Хәйретдинов (Учалы).
2-се - Рамазан Фәтхетдинов (Әбйәлил районы).
3-сө - Максим Ғибәҙәтов (Әбйәлил районы).

Ҡыҙҙар араһында еңеүселәр:

1-се урын - Айһылыу Хәлимова.
2-се - Эльвина Йомағужина.
3-сө - Диана Кәримова.

17 йәшкә тиклем үҫмер егеттәр араһында еңеүселәр:

1-се урын Динислам Сәйфуллин (Сибай)
2-се - Даян Юлбирҙин (Бөрйән районы)
3-сө - Йәғәфәр Сәйфуллин (Сибай)

Һылыуҙар араһында еңеүселәр:

1-се урын Карина Кәримова (Ишембай)
2-се - Гөлнәфис Дилмөхәмәтова (Асҡар)
3-сө Диана Исхаҡова.