19.10.2019 Башҡорт ҡыҙы - Малайзияла һылыулыҡ бәйгеһендә!
Куала-Лумпур ҡалаһында халыҡ-ара гүзәллек бәйгеһе бара, унда башҡорт ҡыҙы ла ҡатнаша.
23 йәшлек Аймара Нафиҡова - Өфө ҡыҙы, ул Ҡытайҙа йәшәй. Инглиз, ҡытай телдәрен һыу кеүек эскән ҡыҙ Фатима Мостафина исемендәге 20-се башҡорт гимназияһын, артабан Башҡорт дәүләт педагогия университетын тамамлаған.
“Мисс Космополитен Мира – 2019” донъяуи һылыулыҡ конкурсында 30-ҙан ашыу гүзәлкәй ҡатнаша. Аймараға еңеү теләйек!