26.09.2019 "Йәшлек" башватҡыстарын сисеп, Гүзәл апай менән Булат ағай бүләкле булды

Миәкә районының Илсеғол ауылында йәшәүсе Гүзәл апай менән Булат ағай Мөхәмәтйәновтар 26 башватҡыстың 24-нә дөрөҫ яуап тапҡан. Бөгөн уларға Октябрьский ҡалаһында йәшәүсе гәзитебеҙ дуҫы Миҙхәт Шәрипов әҙерләгән махсус бүләк - милли орнаменттар менән биҙәлгән ҡымыҙ сервизы тапшырылды.

Миҙхәт ағай былтыр үҙе ошо конкурста еңеүсе булғайны. Матур йоланы дауам итеп, Мөхәмәтйәновтар ҙа киләһе йылдың еңеүсеһенә бүләк вәғәҙәләне.