24.09.2019 Башҡортостанда уртаса эш хаҡы 36 мең һумдан артҡан

Быйылғы июль айында республикала уртаса эш хаҡы 36 099 һумға барып еткән. Был 2018 йылдыҡына ҡарағанда 8 процентҡа күберәк тип хәбәр итә Башҡортостанстат.

Дөйөм алғанда ғинуар-июль айҙарында төбәк халҡы (бәләкәй эшҡыуарлыҡты ла иҫәпкә алғанда) 35 506 һум эш хаҡы алып кинәнгән.

Иң күп эш хаҡын алғандар:
- кокс һәм нефть продукттарын етештереүселәр -
айына 73 756 һум;
- файҙалы ҡаҙылма табыусылар - 61 987 hум;
- химия һәм химия продукттары етештереүселәр - 53 785 hум;

Иң әҙ эш хаҡы тире һәм тиренән әйберҙәр эшләүселәрҙә - 13 839 һум. Мебель яһаусыларҙың, кейем бесеүселәрҙең дә эш хаҡы күп түгел, 15 467 һәм 18 777 һум тәшкил итә.