05.08.2019 200 мең һум иң матур ҡыҙға!

Ҡыҙҙар, алға!!! Һеҙҙе матурлыҡ конкурстары көтә.

Башҡортостан матурлыҡҡа бай республика. Бигерәк тә ҡыҙҙарға бай беҙҙең ил. Һуңғы ваҡытта ғына халыҡ-ара конкурстарҙа күпме сибәркәй ҡатнашты!? Әйткәндәй, август-сентябрь айында беҙҙең республикала тағы ла ике матурлыҡ бәйгеһе үтәсәк.
7 август көнө дүртенсе йыл рәттән "Башҡортостан һылыуы" конкурсына һайлап алыу туры була. Унда ҡатнашыу өсөн һомғол буйлы 14-25 йәшлек ҡыҙҙар саҡырыла. Финал 17 август көнө, "Торатау" конгресс-холында үтә. Еңеүсе ҡыҙ алдағы йылда Рәсәй кимәлендәге бәйгелә ҡатнашасаҡ.
Өфө ҡалаһының "Планета" сауҙа-күңел асыу комплексы 14 сентябрҙә үҙ һылыуҡайын билдәләйәсәк. "Мисс Планета" конкурсында 18 йәштән өлкән ҡыҙҙар ҡатнаша ала. Һайлап алыу турын уңышлы үткән 12 ҡыҙ финалда төп бүләк - 200 мең һум өсөн һынау тотасаҡ.

(Фотола "Башҡортостан һылыуы -2016" конкурсы еңеүсеһе Айза Кинйәкаева)