18.07.2019 Үҙҙәре транспорт фирмаһынан булған

Архангел районындағы юл фажиғәһендә һәләк булыусылар Яр Саллы ҡалаһының транспорт компанияһы хеҙмәткәрҙәре булып сыҡты.


Улар коллектив менән корпоратив ойоштормаҡсы булған – Башҡортостан йылғалары буйлап һалда ағырға барған. Тик бының өсөн Ҡытайҙа етештерелгән сифатһыҙ автобусты һайлаған. Күршеләр юл хәрәкәте ҡағиҙәләрен күп тапҡыр боҙған водителгә ғүмерен ышанып тапшырған. "Ҡаза аҡыл таптырмай" тигәндәре ошо, күрәһең.

Алты һәләк булыусы араһында компания етәксеһенең әсәһе лә булған. Ҡатын фирмала бухгалтер булып эшләгән.

Архангел районы суды водителде ике айға, тикшереү тамамланғансы, ҡулға алды. Шаһиттар әйтеүенсә, ир суд мәлендә күҙ йәштәрен тыя алмаған, һәләк булыусыларҙың яҡындарынан ғәфү үтенгән.