16.07.2019 Журналистың яңы уйҙары
«Башҡортостан энциклопедияһы» нәшриәте һәм «Башакадемкнига» мәғлүмәт-ағартыу үҙәге күренекле журналист, яҙыусы һәм йәмәғәт эшмәкәре, Рәсәй Федерацияһының атҡаҙанған мәҙәниәт хеҙмәткәре Рәсүл Сәғитовтың рус телендәге «Такого я мнения» тигән йыйынтығын сығарҙы.
Авторҙың һигеҙенсе китабында үткерлек, аныҡлыҡ, сағыулыҡ, һутлы тел менән айырылып торған үҙенсәлекле яҙмалары – ижтимағи-сәйәси өлкәләге көнүҙәк мәсьәләләр буйынса, шулай уҡ журналистика, телгә ҡағылышлы фекерҙәре, интервьюлары, хикмәтле хикәйәләре һәм башҡалар урынлаштырылған.
Рәсүл Сәғитов башҡорт һәм рус телдәрендә яҙа.