17.06.2019 Ейәнсәре менән мунсала үлеп ятҡан

Мунса - йыуынып таҙарыныу , ял итеү урыны ғына түгел, мейесе яғылғанда хәүефле бина ла . Сөнки унда күптәргә еҫ тейә, юғары ҡан баҫымы, йөрәк сирҙәренән интеккәндәргә эҫенән иҫтән яҙып, йығылыу ҡурҡынысы ла бар.
Яңауыл районында 57 йәшлек өләсәй 2 йәшлек ейәнсәре менән мунсаға бара. Мейестәренең йүшкәһен ҡыҫҡандармы, әллә башҡа сәбәп булғандырмы, икеһенә лә һөрөм еҫе тейә. Туғандары уларҙы мунсала үлгән килеш таба.
Мунсаға йыуынырға киткәндәр оҙаҡ тотҡарланһа, иғтибарлы булығыҙ.