18.06.2019 78 йәштә лә «Йәшлек» менән
«Аҙна һайын – бүләк» уйынында үткән аҙнаның еңеүсеһе – Ишембай районының Ишем ауылынан Фәүзиә МӘҮЛЕТБИРҘИНА.
«Миңә 78 йәш. Балалар үҫеп сығып китеп бөттө. Һаман да гәзит-журналдар яҙҙырып уҡыйым. Үҙем яратып уҡыған «Йәшлек» гәзитенә бер йыл да яҙылмайса ҡалғаным юҡ. Һеҙҙең уйында йыл да ҡатнашам, әммә бер ҙә бүләк отоп булмай», – тип яҙып ебәргән ул.
Был юлы һеҙгә лә бәхет йылмайҙы, Фәүзиә инәй. Һеҙ сәй сервизы оттоғоҙ. Беҙ бүләк итәсәк сынаяҡтар яҡындарығыҙҙы йыйған табынығыҙҙы йәмләһен!