12.06.2019 Ҡапыл һыуытасаҡ

Тәбиғәт беҙҙең менән уйын уйнай - Башгидромет ошо көндәрҙә һыуытасаҡ тип белдерә.

Аҙна аҙағына һәм ялдарға ҡарай температура +1...+7 градусҡа тиклем төшәсәк, түбән урындарҙа һәм таулы райондарҙа ҡырау төшөүе ихтимал. Көндөҙ иһә +14...+20 градус йылы торасаҡ.

Эҫенән һыуыҡҡа күскән мәлдә ямғыр яуасаҡ (урыны менән йәшенләп), көслө ел иҫәсәк. Боҙ борсағын да көтөгөҙ тиҙәр синоптиктар.