24.04.2019 Күршеңдә йәки хеҙмәттәшеңдә туберкулез табылһа

Башҡортостан парламенты депутаттары туберкулезды иҫкәртеүҙе көсәйтеү тураһында закон ҡабул итте. Ул диспансерлаштырыу үтергә тейешле кешеләр даирәһен киңәйтә. Элек берәйһендә был йоғошло сир булыуы асыҡланһа, ғаилә ағзалалары ғына тикшерелә ине. Хәҙер уның менән аралашҡандарҙың барыһы ла — күршеләре, хеҙмәттәштәре флюорография үтергә һәм табип күҙәтеүе аҫтында булырға тейеш.