12.04.2019 Башҡорт теле уҡытыусылары съезына 700 кеше йыйылды

Өфөлә Беренсе башҡорт теле уҡытыусылары съезы дауам итә. Сарала Башҡортостан Республикаһы Башлығы в.в.б. Радий Хәбиров үҙе ҡатнаша.


Төбәктең ҡала һәм райондарынан, Германиянан, Силәбе, Ырымбур, Һарытау, Һамар өлкәләренән, Мәскәү, Санкт-Петербург ҡаларынан, Ханты-Манси автономиялы округынан килгән 700 самаһы ҡатнашыусыны һыйҙырған бина бал ҡорто умартаһын хәтерләтә. Конгресс - холды ниндәйҙер рухи байрам, күңел күтәренкелеге солғап алған. Фойела күргәҙмәләр эшләй, дискуссия майҙансыҡтарында эшлекле һөйләшеүҙәр бара.