03.04.2019 Съезда ҡатнашырға теләйһеңме?

Телебеҙҙең бар нескәлектәренә өйрәтеүсе, сихри әҙәбиәт донъяһына әйҙәүсе уҡытыусыларыбыҙ, башҡорт теле һәм әҙәбиәте серҙәренә төшөндөрөүселәр хаҡында хәтирәләребеҙ менән бүлешеү ниәтенән “I бөтә Рәсәй съезы - I Всероссийский съезд” төркөмө “Бәйләнештә” селтәрендә “Минең башҡорт теле уҡытыусым!” исемле асыҡ конкурс иғлан итә!

Һәр теләгән кеше үҙ уҡытыусыһы хаҡында хәтирәһен һәм фотоһүрәтен 8 апрелгә тиклем #Минеңбашҡорттелеуҡытыусым хештегын ҡулланып, https://vk.com/event179893571 төркөмөнә тәҡдим итергә тейеш.

Ойоштороусылар күңел ҡылдарын тирбәлтерлек, йылылыҡ бөркөп торған хәтирәләр көтөп ҡала. Ғәзиз уҡытыусығыҙ хаҡында бар донъяға белдереү һәм съездың почетлы ҡунағы булыу мөмкинселеген ҡулдан ысҡындырмағыҙ!