29.03.2019 Урман шаулап үҫер

Яҙ етеү менән республикала йәшелләндереү айлығы башлана. 27 апрелдә «Йәшел Башҡортостан» акцияһында ирекмәндәр 60 урман участкаһында 1 миллион һумлыҡ ағас үҫентеһе ултыртасаҡ.

Инвентарь, ағас үҫентеһен урман хужалығы хеҙмәткәрҙәре урында үҙҙәре биреп, ирекмәндәрҙе ағасты нисек дөрөҫ ултыртырға өйрәтәсәк.

Урманды тергеҙеү айлығы 20 апрелдән 20 майға тиклем дауам итә. Ошо ваҡытта 30 миллион үҫенте: 23,5 миллион ҡарағай, 4,5 миллион шыршы, 1,5 миллион ҡайын, дардар, йүкә, пирамидаль тирәк ултыртыу күҙаллана.