28.03.2019 Мандарин ябығырға ярҙам итә

Испан ғалимдары артыҡ ауырлы менән көрәшкәндә ҡояшлы емештәрҙең файҙа килтереүен асыҡлаған. Баҡтиһәң, мандариндарға төҫ биреүсе пигмент каротиноидтар тәнгә ултырған майҙың өстән бер өлөшөн кәметә ала. Бындай эффектҡа йәшел сәй ҙә килтерә икән.

Белгестәр каротиноидтарҙы ныҡлап өйрәнә. Барыһы ла уңышлы килеп сыҡһа, мандариндан эшләнгән преператтарҙы артыҡ һимереүгә ҡаршы дарыуҙарҙа ҡулланасаҡтар. Уларҙы алкоголһеҙ һәм һөт эсемлектәренә ҡушырға мөмкин.