20.03.2019 Милли йәштәр театры "Тылсымлы тирмән"е менән гастролдәрҙә!

Мостай Кәримдең 100 йыллыҡ юбилейы айҡанлы Башҡортостан Республикаһының Милли йәштәр театры "Тылсымлы тирмән" (режиссер М.Күлбаев) тигән мауыҡтырғыс әкиәте менән гастролдәргә юллана:

19 март — Күмертау, Ергән, 22-26 апрель — Малаяҙ, Мәсәғүт, Үрге Ҡыйғы, Оло Ыҡтамаҡ, Балаҡатай, 14-16 май — Инйәр, Белорет, Асҡар.

16 майҙа иһә театрҙа Мостай Кәримдең “Оҙон-оҙаҡ бала саҡ” әҫәре буйынса премьера көтөлә. 28 майҙа өр-яңы спектакль Екатеринбург ҡалаһына барып, әҙиптең 100-йыллыҡ тантанаһында ҡатнашасаҡ.

Тағы ла Анатолий Крымдың әҫәре буйынса ҡуйылған "Левушка" 28 мартта - Учалыла һәм 16 апрелдә Стерлитамаҡта күрһәтеләсәк. 29 мартта Учалыла балалар өсөн М. Бартенев әҫәре буйынса "Я считаю до пяти" тигән әкиәт ҡуйыла.