28.02.2019 Асҡын районын Ришат Дихин етәкләйәсәк

БР Асҡын районы хакимиәте башлығы Фларит Усманов ваҡытынан алда үҙ вәкәләттәренән баш тартты. Шулай уҡ хакимиәт башлығының социаль һорауҙар һәм кадрҙар сәйәсәте буйынса урынбаҫары Фуат Фәтхуллин да хаҡлы ялға китеү сәбәпле эштән китте.

Район Советы ҡарары менән әлегә Асҡынды Ришат Марат улы Дихин етәкләйәсәк. Бығаса ул БР Яҙыусылар союзында, Мәғариф министрлығында, Ағиҙел ҡалаһы башлығының социаль һорауҙар буйынса урынбаҫары - мәғариф бүлеге начальнигы булып эшләне.