21.02.2019 Рима Баталова Сибайҙа булып ҡайтты
Ошо көндәрҙә Сибай ҡалаһы оло ҡунаҡты ҡабул итте. Бында 13 мәртәбә паралимпия уйындары чемпионы, Дәүләт Думаһы депутаты Рима Баталова эш визиты менән булды.
Рима Аҡбирҙе ҡыҙы «Рәсәй саңғыһы-2019» Бөтә Рәсәй саңғы ярышында ҡатнашты. Танылған спортсы менән ҡала хакимиәте вәкилдәре, өлкәндәр һәм мәктәп уҡыусылар - йәмғеһе 200-ҙән ашыу кеше йүгерҙе.
Депутат һуңынан ҡалалағы һаулыҡ мөмкинлектәре сикләнгән балалар һәм үҫмерҙәрҙең реабилитация үҙәгендә булды. Ул унда махсус тренажерҙар һәм спорт ҡорамалдары алыу өсөн сертификат тапшырҙы. Әйткәндәй, бындай ярҙам Белорет һәм Учалы ҡалаларындағы үҙәктәргә лә бирелде.
Рима Баталова сибайҙарҙың килеп тыуған экология хәлендә нисек йәшәүҙәрен тикшереү маҡсатында килеүе тураһында хәбәр итте.