11.02.2019 Ер ҡатламы шылған да...

Өфөнөң Аврора урамын һыу баҫҡан. Ғәҙәттә, ташҡын йылы миҙгелдә була торғайны. Хәҙер ҡыш ни, көҙ ни, тигәндәй. Урамды ниңә һыу баҫа һуң? Ташҡында йә ямғырҙа ғына түгел шул. Ҡалала ер аҫтында бихисап торба һуҙылған, шул иҫәптә һыу торбалары ла бар. Шул шартлаһа, бөттө инде.

Ә Аврора урамындағы торба ер ҡатламы шылғандан шартлаған. Мэрия тап ошо сәбәпте әйтә.

Хәҙер бер нәмә менән дә аптыратып булмай кешене. Баш ҡалабыҙҙа ер аҫты ғәләмәт үҙенсәлекле. Атлап китеп барғанда ла ер убылыуы ихтимал. Машиналар ҙа ер аҫтына китеп юғала...