14.01.2019 Ҡаты көнкүреш ҡалдыҡтарын сығарыу буйынса хаҡтар: 70 һәм 35 һум
Халыҡҡа ғинуар башына уҡ таратыла башлаған коммуналь түләүҙәр өсөн квитанцияларҙың береһендә ТКО буйынса пункт бар һәм унда тариф ярайһы “елле” генә. Нимә был – Яңы йыл шаяртыуымы? Республика ҡалаларының береһендә шулай ашыҡҡандар.
Ә БР Башлығы вазифаһын ваҡытлыса башҡарыусы Радий Хәбиров бөгөнгө оператив кәңәшмәлә белдереүенсә, квитанцияларҙа ҡалдыҡтар өсөн айырым пункт 25 ғинуарҙан һуң ғына яҙылырға тейеш.
– Бындай хәлдәр ҡабатланырға тейеш түгел. Яуаплылар контролгә алығыҙ һәм күҙәтегеҙ, – тине Радий Фәрит улы.
Һәм тағы ла бер тапҡыр түләү хаҡы тураһында ҡәтғи әйтте:
– Мин 70 һум, тинем. Һәр кешенән. Ә бығаса сүп-сар сығарыу ойошторлмаған төбәктәрҙә – 35 һум. Мин башҡа һандарҙы ҡабул итмәйем!
Тимәк, был хаҡта төбәк операторҙарына тағы бер тапҡыр еткерергә кәрәк.
Тимәк, был хаҡта төбәк операторҙарына тағы бер тапҡыр еткерергә кәрәк.
Беҙ ҙә, халыҡ йәғни, ошо һумдарҙы иҫтә ҡалдырайыҡ һәм, атағата-ааҡ, ә бит Радий Фәрит улы артығына риза түгелмен, тигәйне, нисек улай була инде, тип аптырап йөрөргә яҙмаһын. Йәш етәксебеҙҙең түләү хаҡы тураһында әйткәне – бик етди.