20.11.2018 Бүздәк районында ҡотороҡ карантины иғлан ителде

Бының туралағы указға БР Башлығы вазифаһын ваҡытлыса башҡарыусы Радий Хәбиров ҡул ҡуйҙы.
Райондың Кәпәй-Ҡобау ауылы янында йөрөгән башмаҡты төлкө тешләгән. Тикшереү һөҙөмтәһендә йыртҡыста ҡотороҡ сире булыуы асыҡланған.
Әле ауылдағы бар йорт хайуандарына, мал-тыуарға иҫкәртеү вакцинацияһы үткәрелә.
Карантин мәлендә районға, ауыл биләмәләренә эт-бесәйҙәрҙе индереү, ҡыр хайуандарын тотоу һәм уларҙы ситкә сығарыу тыйыла.