12.11.2018 Муса Гәрәев, Мостай Кәрим, Салауат Юлаев - Өфө аэропорты кемдең исемен йөрөтөр?

Мәскәүҙә, ТАСС-та булған матбуғат конференцияһында Бөтә Рәсәй йәмәғәт фекерен өйрәнеү үҙәге (ВЦИОМ) генераль директоры Валерий Федоров "Рәсәйҙең бөйөк исемдәре" дөйөм милли конкурсының Өфө аэропортына бағышланған шорт исемлеген әйтте. Унда өс шәхес: хәрби осоусы, ике тапҡыр советтар Союзы Геройы Муса Гәрәев, халыҡ шағиры, яҙыусы Мостай Кәрим һәм милли герой Салауат Юлаев исемдәре бар. Еңеүсе әлегә һайланмаған, шулай ҙа ул тиҙҙән билдәле буласаҡ.