27.09.2018 Өфөлә һигеҙ яңы урам, бульвар һәм сквер барлыҡҡа киләсәк

Бөгөн Өфөлә ҡала Советы ултырышында депутаттар һигеҙ яңы урам, бульвар һәм сквер исемдәрен раҫланы.

Октябрь районында Сергей Михалёвтың исеме мәңгеләштерелә. Спорт һарайы эргәһендә «Салауат Юлаев» хоккей клубының легендар тренеры хөрмәтенә аталған сквер булдырыла. Уның етәкселегендә 2008 йылда Өфө командаһы тәүге тапҡыр Рәсәй чемпионатында алтын миҙал яуланы. 2015 йылдың 21 апрелендә Силәбе-Өфө трассаһындағы автоһәләкәттә «алтын» тренерҙың ғүмере өҙөлдө.

Баш ҡаланың Ленин районы Урицкий урамындағы трамвай ҡулсаһы янында урынлашҡан скверға Зоя Космодемьянская исеме бирелде.

Өфөнөң Киров районында Назар Нәжми бульвары, Булат Имашев, Марина Цветаева, Мәғариф һәм Солнечногорская, ә Ленин районында Дмитрий Купцов урамы барлыҡҡа киләсәк.