22.09.2018 III Евразия халыҡ- ара гуманитар форумы асылды

Бөгөн Өфөлә ЮНЕСКО эштәре буйынса Рәсәй комитеты эгидаһы аҫтында мәҙәниәт һәм халыҡ ижады мәсьәләләре буйынса III Евразия халыҡ- ара гуманитар форумы асылды. Ул 48- се Бөтә донъя фольклор фестивалдәрен ойоштороу һәм традицион сәнғәт халыҡ - ара советы ( СИОФФ) конгресы сиктәрендә үтә. Мәртәбәле сарала 60 илдән вәкилдәр, ғалимдар, белгестәр, эксперттар ҡатнаша. Конференцияла ЮНЕСКО - ның һәм СИОФФ - тың мәҙәниәт һәм халыҡ ижады өлкәһендә алып барылған эштәрен бойомға ашырыу, Рәсәй һәм сит илдәр тәжрибәһен өйрәнеү мәсьәләләре ҡараласаҡ. Евразия гуманитар форумының резолюцияһы - Өфө халыҡ - ара декларацияһы ҡабул ителәсәк.