29.03.2018 Яңауыл районында «Урал батыр байрамы» үтәсәк

Иртәгә Яңауыл районының Киҫәк-ҡайын ауылында «Урал батыр байрамы» үтәсәк. Уны БР Башҡорт ҡатын-ҡыҙҙары берләшмәһенең Яңауыл филиалы, Яңауыл районының Башҡорттар ҡоролтайы һәм муниципаль район хакимиәте ойоштора.
Программала: мосолмандарҙың «Ҡорбан салыу» йолаһы, милли «Көрәш» буйынса ярыштар, халыҡ уйындары һәм йолалары.
Байрамда концерт программаһы, боронғо «Урал батыр» эпосынан өҙөктәр уҡыу, милли ашамлыҡтар һәм халыҡ оҫталары-кәсепселәр эшләгән әйберҙәр күргәҙмәһе ойоштороласаҡ.
Сарала Яңауыл районы ҡатын-ҡыҙҙар хәрәкәте активистарын иҫтәлекле бүләктәр һәм туған телдәрҙе һәм милли мәҙәниәтте үҫтереүгә ҙур өлөш индергәндәре өсөн БР Башҡорт ҡатын-ҡыҙҙары берләшмәһенең Маҡтау грамотаһы менән бүләкләү ҡаралған.